लाईक

लाईक म्हणजे मला तुझी पोस्ट आवडली
आणि लाईक म्हणजे मला तुझी पोस्ट नाही आवडली असंही. 

लाईक म्हणजे हाय
लाईक म्हणजे बाय

लाईक म्हणजे तुझं मला लाईक
म्हणून माझंही तुला लाईक

लाईक म्हणजे कॉमेंटमधे अनुमोदन घे
लाईक म्हणजे प्रतिवाद झेल

लाईक म्हणजे तिथल्या तिथे प्रत्युत्तर
लाईक म्हणजे "इसका जवाब मिलेगा, करारा जवाब मिलेगा"

लाईक म्हणजे सलाम तुझ्या निरागसतेला अन स्पष्टवक्तेपणाला

लाईक म्हणजे स्तिमीत होतो तुझ्या आत्मप्रौढीला अन आत्मनिंदेलाही

लाईक म्हणजे चकित होतो तुझ्या विद्वत्तेने तर कधी सेन्स ऑफ़ ह्युमरने

लाईक म्हणजे दु:खी होतो तुझ्या तिरस्काराने 

लाईक म्हणजे तुझ्याबद्दलचा आदर दुणावला
लाईक म्हणजे तुझा मुर्खपणा पाहून दिग्मूढ झालो

लाईक म्हणजे विचारांनी डोकं घुसळलं
कधी सकारात्मकतेने, तर कधी नकारात्मकतेने

लाईक म्हणजे कधी कागदाचा बोळा
तर कधी पंचवीस हजार रूपये तोळा

लाईक म्हणजे लाईक असतं
कधी तुमचं आमचं सेम असतं
आणि कधी ते सेम नसतं