ते दिसतंय ठिकाण अंधुकसं. हो हो तेच. तिथं पोहोचायचं आहे तुला. कसं जमणार म्हणतोस? अरे, काही नाही चालायला लागायचं. त्या आधी वाटेल तुला की नको जायला तिथे. पण झटकून टाक ते विचार. आणि चालू लाग. मध्ये काही संकटं येतील, वाट खाचखळग्याची होईल, पण तू धीर सोडू नकोस. कधी तुला मरणाची तहान लागेल, भीतीने तोंडातून शब्द फुटणार नाहीत, पाय थरथरतील. तेव्हा उडवून टाक मनातले विचार, घे हातात भीतीला अन फेक बाजूला दिसणाऱ्या झाडाझुडपात, पायदळी तुडव त्या अंगातल्या मरगळीला अन चालत रहा त्या ध्येयाच्या दिशेने. थांबू नकोस. मागे वळू नकोस. त्या ठिकाणी पोहोचण्यासाठी तुला एकंच करायचं आहे.........तिकडे जाण्यासाठी पाहिलं पाऊल ऊचलायचं आहे. बास!
No comments:
Post a Comment