मिस्त्री

आपली काही इतकी मोठी पोहोच नाही बुवा की टाटा ग्रुप ने मिस्त्री साहेबाना का उडवलं याच्यावर भाष्य करू शकेल. हो म्हणजे गेल्या १४ वर्षात पहिल्यांदा एका मॅनेजर ला मी ऑगस्ट मध्ये उडवला. पण तसं करताना माझीच जास्त फाटली होती. ते करण्याआधी त्याच्या परफॉर्मन्स चं मॉनिटरिंग आणि हे कळणं की हा आपला मिस हायर आहे हे जास्त तापदायक होतं.

पण जे झालं ते दुर्दैवी. अन ते ही टाटा सारख्या ग्रुप मध्ये. परत चार वर्षांनी. आणि सायरस मिस्त्री पण कुणी लुंगे सुंगे नव्हते. शापुरजी पालनजी घरातले, जे टाटा सन्स चे सगळ्यात मोठे शेअर होल्डर. कसलं वादळ झालं असेल याची कल्पना आपण सामान्य लोकं नाही करू शकत. इन्फोसिस मध्ये नारायण मूर्तींना असंच परत यावं लागलं होतं. अर्थात टाटा ग्रुप काहीतरी भारी डिसीजन घेतलीच आणि ह्या सगळ्या प्रकारातून बाहेर पडतील याबद्दल शंका नाही.

काही दिवसांपूर्वी टॉप ग्रेडिंग नावाचं पुस्तक वाचलं. त्यात मिस हायर च्या पोटी चुकवलेली किंमत ही त्यांच्यावर डायरेक्ट केलेल्या खर्चाच्या १५ ते २० पट असते असं प्रुव्ह करून दाखवलं होतं. म्हणजे मिस्त्री साहेबांचं वार्षिक रेम्युनरेशन १८ कोटी वगैरे असावं. चार वर्षात ७२ कोटी आणि त्याच्या १५ पट. म्हणजे हजार एक कोटी स्टेक ला लागले. अर्थात साडेचार लाख कोटी रेव्हेन्यू असलेल्या टाटा ग्रुप ला हा धक्का फार मोठा नाही.

मोठ्या लोकांच्या मोठ्या गोष्टी. आपण आपलं त्यांना क्रयासिस मधून बाहेर पडण्यासाठी शुभेच्छा देण्याशिवाय फार काही वेगळं म्हणू नाही शकत.