नैतिकता

मी आणि पार्टनर सिंहगड रोड ला पार्किंग शोधत होतो. सगळीकडे फुटपाथवर भाजी आणि फळ विक्रेते बसले होते अन त्यांच्यासमोर काही मला गाडी लावता येत नव्हती. थोड्या वेळात माझा संयम सुटला, आणि त्या गरीब म्हाताऱ्या भाजी विक्रेत्याकडे बघत म्हणालो "च्यायला, या लोकांकडे काही नैतिकताच नाही. फुकटच्या जागेवर धंदा करायचा आणि त्यावर नंतर मालकी हक्क सांगायचा."

पार्टनरने त्याचं ते सिग्नेचर छद्मी हास्य केलं आणि म्हणाला

"एक लक्षात ठेव, गरीब लोकांना नैतिकता परवडत नाही. They simply can not afford to have morals. दोन वेळच्या पोटाची भ्रांत ज्यांना मिटवायची आहे त्यांना तू नैतिकतेच्या गोष्टी शिकावतोस.  आणि म्हणून त्यांना धर्म बांधून ठेवतो. धर्मात शिकवलेल्या गोष्टी पाळल्या की त्यांना वाटतं नैतिकता पाळली. प्रॉब्लेम तुझ्यासारख्या दांभिक लोकांकडून समाजाला आहे. नैतिकता हा धर्म असं पाळणं तुला खरं तर शक्य आहे.  तसं असूनही तुम्ही त्याला घोडे लावता आणि मग बालाजीच्या दानपेटीत पैसे ओतता नाही तर साईबाबा ला मुकुट चढवता. And that's how you pretend to have morals"

"ती बघ, तिथे पार्किंगला जागा झाली आहे. जा, गाडी लावून ये"

(मूळ कल्पना: खुशवंतसिंग)