एक्सझिबिशन मध्ये भाग घ्यायचा म्हंटलं की माझ्या अंगावर काटा येतो. साहजिक आहे हो. बऱ्याच एजन्सीज बरोबर काम करावं लागतं. मटेरियल न्या, बूथ डिझायनर, साईट हॅंडलिंग, हॉटेल बुकिंग, येण्या जाण्याचा खर्च, कंपनीपासून आठवडाभर बाहेर अशा एक ना अनेक भानगडी. आणि हे सगळं करण्यासाठी होणारा बेधुंद खर्च. भरीस भर म्हणून या प्रदर्शनातून येणारे रिटर्न्स कॅल्क्युलेट करणं अवघड असतं. त्यात परत हे इमटेक्स सारखं प्रीमियम प्रदर्शन असेल तर त्यांचे बूथ चे चार्जेस अव्वाच्या सव्वा. आमच्या साईजचा छोटा उद्योजक अगदी मेटाकुटीला येतो.
पण एक्झिबिशन चे फायदे पण असतात. एकतर ब्रँडिंग जबरदस्त होतं. तिथे बहुतांश लोकं इंडस्ट्रीज चे येत असल्यामुळे बऱ्याच कस्टमर्स पर्यंत पोहोचता येतं. काही डायरेक्ट तर काही इंडायरेक्ट ऑर्डर्स मिळण्याची शक्यता तयार होते.
प्रदर्शनात भाग घ्यायचा की नाही याची बेरीज वजाबाकी केली असता बऱ्याचदा भाग घेण्यावर शिक्कामोर्तब होतं. प्रीमियम एक्झिबिशन मध्ये सहभाग घ्यायचा की सॅटेलाईट टाऊन मध्ये यावर खल होतो, पण गरजेनुसार सहभाग घेतोच.
असंच हे Imtex Exhibition. भारतातीलच नव्हे तर आंतरराष्ट्रीय पातळीवरचं आमच्या क्षेत्रातील प्रीमियम प्रदर्शन. आज प्रजासत्ताक दिवशी चालू झालं आहे. वर्ष भराचा खुराक इथून मिळावा अशी इच्छा आहे. बघू काय काय घडतं ते!
No comments:
Post a Comment