आमचा नील फार चालू आहे. त्यातल्या त्यात माझ्याशी सॉलिड गेम खेळतो. मला मराठी गाणं आवडतं म्हणून मी आलो की नाट्यगीते किंवा भावगीतं लावून ऐकत बसतो. मला सांगतो "पप्पा, आज सांगा ना कुठलं तरी भारी गाणं" असं म्हंटल्यावर मी पण खुश होतो हे त्याला माहित आहे.
परवा त्याने असाच डाव टाकला माझ्यावर. मी त्याला "सरणार कधी रण" लावून दिलं. ते संपलं तसं मग "भय इथले संपत नाही" झालं आणि मग "त्या फुलांच्या गंधकोषी".
माझं लक्ष नाही हे पाहून तो गायब झाला. मी त्याला शोधत त्याच्या रूम मध्ये गेलो तर "जुम्मा चुम्मा दे दे" या गाण्याची डोळे बंद करून श्रवण भक्ती करत होता.
मी काय आहे म्हणत त्याच्या समोर उभा राहिलो तर म्हणाला "मी लहान आहे म्हणून ठीक आहे पण माझं डोकं इतकं नका जड करत जाऊ"
No comments:
Post a Comment