नागरिकशास्त्र

गुरुवारी दिल्ली एअरपोर्ट वर होतो. तोबा गर्दी. दिवसभर त्या दिल्लीच्या गरम वातावरणात कार चालवून पकलो होतो. दमलेलो. बसायला खुर्ची शोधत होतो.

बऱ्याच जणांच्या बाजूच्या खुर्चीवर लॅपटॉप बॅग, रुमाल, मोबाईल अशा विविध वस्तू ठेऊन जागा अडवल्या होत्या. मी विचारायचो, कुणी बसलं आहे का?. हो सांगायचे.

एक नवश्रीमंत युवकाच्या शेजारच्या खुर्चीवर बॅग ठेवली होती. युवकाला मी विचारलं, कुणी बसलं आहे का?

तर छोकरा म्हणतो कसा "Do you want to sit?"

मी म्हणालो "Why are you asking this?. Chair is meant for people to sit and not for your bags."

जळजळीत नजर टाकत त्याने बॅग काढून खाली ठेवल्या. मी बसलो. युवक लॅपटॉप वर पिक्चर बघत होता.

अशीच खुर्ची शोधत एक सत्तरीचे गृहस्थ आले. मी साहजिक पणे त्यांना खुर्ची द्यावी म्हणून उभा राहिलो. ते करताना त्या मुलाला सांगितलं "Go back to your school and learn civics again"

नागरिकशास्त्र १०० मार्कंचं पाहिजे शाळेत.