वेस्टर्न टॉयलेट मध्ये कमोड ला दोन झाकणं असतात. पहिलं झाकण उघडलं की कमोड दिसतो. दुसरं झाकण हे वेस्टर्न टॉयलेट वर बसून करण्याच्या क्रिया करताना खाली असावं. पुरुष मंडळी जे साधारणपणे उभे राहून युरीनेट करतात त्यांनी त्यावेळेस हे झाकण वर करावं. म्हणजे नंतर ज्यांना कुणाला टॉयलेट वर बसून काही क्रिया करायची असेल तर थेंबांवर बसावं लागणार नाही. जर वॉटर जेट वापरला तर टॉयलेट पेपर ने त्या झाकणावर सांडलेले पाणी पुसून पेपर डस्ट बिन मध्ये टाकावा.
लिफ्ट ने वर खाली जाताना आपल्याला ज्या दिशेला जायचं आहे तेच बटन दाबावं. दोन्ही बाजूला दिसणारे ऍरो दाबू नये. हाय राईज बिल्डिंग मध्ये असं केल्यास येड पळतं.
विमानात, रेल्वेत, बस मध्ये लगेज ठेवताना असं ठेवावं की जागा कमी व्यापेल.
या अशा गोष्टी सार्वजनिक ठिकाणी कुठेही लिहिलेल्या नसतात. पण आपलं लॉजिक वापरायचं असतं. बाकीच्या लोकांसाठी आपलं वागणं सुसह्य होईल याचा थोडा विचार करावा.
आज आपण असा विचार करायला लागलो तर पन्नास वर्षांनी आपण पुढील पन्नास वर्षात आर्थिक महासत्ता कसे बनू यावर विचार करायला पात्र होऊ.
(एका महाशयांनी आधीच्या पोस्टवर कॉमेंट टाकली की खुर्चीवर लगेज ठेवून बसू नये असं कुठं लिहिलं आहे? हसावं का रडावं अशांच्या पुढे? म्हणून हा पोस्टप्रपंच)
No comments:
Post a Comment